اخر إفتكاسات

من طرف **only loser** الأربعاء 04 نوفمبر 2009, 4:55 pm

بما اننا قلنا افتكسات احب اقول موضوع كويس ويارب يعجبك

دلوقتى يجدعان عملو حاجه جديده اسمه ترخيص للعجل(اعضاء المنتدى: الشاب الجديد دا عبيط ولا ايه )
(الكاتب : لا تعليق)
تخيلو العجل هيبقى برخص مش مصدقين!
طيب تصدقو بقى انى من اسبوعين كنت معدى على كمين ووقفوانى بالعجله عشان ممعيش رخصه للعجله
لا واللى يغيظ اكتر بقى يشباب العسكرى وقفنى عشان معيش رخصه للعجله
سالته بكل برود :تحب تشوف رخصتى انا كمان بالمره
قالى :لا انا عاوز اشوف رخصه العجله
وكانو هيسحبوها منى لولا اتصالاتى طبعا اتصلت بواحد صاحبى شغال فى سنترال
المهم يعنى الموضوع خلص على خير
قلت فى عقلى ممكن يكون الموضوع صح واخيرا البلد هتنضف وهيعملو ترخيص للعجل والبلد هتحلو يارجاله
المهم رحت المرور بعد اسبوعين سالتهم على اللى حصل قالولى فعلا دا صحيح
قلتلهم: ازاى بقى
قالولى: شكلك متعرفش حاجه عن البلد
قلتلهم: طيب اعمل ايه عشان اطلع رخصه
قالولى :تعالى بعد يومين بالعجله عشان الاختبارات
مكنتش مصدق برده فى الاول كدا .رحت بعد يومين وكنت غاسل العجله ومظبطها تمام رحت الاقى ناس امم
تخيلو!
كل دول جايين يرخصو العجل بتاعهم
المهم وقفت سبع ساعات فى الشمس وفى الاخر جه دور
وادونى ورقه بالاختبارات اللى همتحن فيها
المهم دخلت اول اختباراللى هو ارفع حصان بالعجله قلت سهله وطبعا نجحت فيه بتفوق
المهم اتأهلت ودخلت الاختبار التانى اسوق بأيد واحده{ }(عضويتحدث للكاتب:يعم دول ناس قاطعين فى البالون خالص انت شكلك بتهيس اصلا ياموودى متنساش يعم انت تبقى تتغطى وانت نايم)
(الكاتب :يعم وانت مالك ولا يعنى عشان جديد فى المنتدى هتعمل نفسك كبير عليا يلا يعم شوف انت رايح فين)
(العضو:انت هتغلط فيا ولا ايه والله هقول ل ADMINمدير المنتدى وهيشيلك من المنتدى)
(الكاتب بعد ما فاض بيه :يعم اعمل اللى تعمله مدير المنتدى اصلا يبقى قريبى زيى قرابه عمرو دياب و...........)
المهم سيبكو منه نكمل احنا
بعد الاختبار التانى دخلت التالت وهو اسوق العجله وانا واقف وطبعا نجحت فيه بجداره لان صاحبى عبده هو اللى كان مدربنى على الحجات دى
خدنا رست ربع ساعه عشان اخر اختبار وهو اصعب الاختبارات وهو انى لو اقف بالعجله وعاوز اطلع ادى انتظار ل اللى ورايا ولا لا
وطعبا مكنتش اعرف فى الحاجات دى
وسقطت فى الاختبار
بس بعد ما خلصت كلمت الراجل
قلتله: خلصلى الرخصه وليكى منى 15 جنيه
قالى: لا هتدينى 17ونص
قلتله :طيب خيلها 16ونص عشان العجله عليها اقساط وعندى 12 واد وبنت عشان يوافق
قالى :لا 17ونص
قلتله :خلاص مشيها17
قالى :ماشى بس تدفع غرامه
قلتله :غرامه ايه يعم الحج(ام الكاتب: انت يواد هتفضل قاعد كدا تكتب على الكومبيوتر دا حرام عليك نظرك هيضعف)
(الكاتب وهو فى عز خوفه من الحجه :معلش ياحجه هخلص الموضوع دا واقوم)
(ام الكاتب:ماشى لما تخلص فى طبق بسله جو متنساش تكله )
(الكاتب :حاضر يماما )
كنا بنقول غرامه
المهم قلتله :غرامه ايه
قالى: احنا كشفنا على العجله وفى غرامه اربعه وعشرين جنيه وربع
قلتله: طيب اربع وعشرين جنيه ماشى لكن الربع دا ابداااااااااا مش هدفعه يا ما اعمل اتصالاتى
قالى: اعمل اللى تعمله اللى عند الحكومه مبيضعش يافالح
قتله: برده مش هدفعه دا انا عندى 12 واد وبنت ولسه فى اقساط العجله
قالى :خلاص هكتب طلب وخليهم يشيلولك الربع جنيه
قلتله: قشطه عليك يبرنس الليالى
قالى :كووووووول بس فى حاجه كمان
قلتله :ايه
قالى :هتركب اسطوانتين نتيروزللعجله وتسقطه وتركبلها ديفيل وتركب زينون ويكون لون الزينون احمر ويكون من ابو تسعه جنيه
قلتله: من ابو تسعه جنيه كمان
قالى: اه امال انت مفكر ايه بس هتدينى اتنين جنيه دلوقتى عشان اشترى ل ام العيال اتنين كيلو كوسه عشان مفيش طبيخ فى البيت وهتوصلنى البيت
قلتله :ماشى يعم بس خلصلى انت بس موضوع الرخصه دا
قالى:متقلقش وتعالى كمان يومين وظبط العجله زيى ما قلتلك. هو انت حاطط جل على شعرك من ابو كام
قلتله:من ابو اتنين ونص قشطه يا حج ليلتك فل
(معلش يجماعه ثوانى هاكل طبق البسله واجى)
(ابن خال الكاتب اللى لسه جاى من البلد: ايه ياموودى بتعمل ايه الكمبيوتر انا عاوز العب جاتا 9 الجديده)
(الكاتب :يلا ياد روح لابوك مش شايفنى بكتب)
(ابن خال الكاتب :بتحسسنى انك هتطلع صحفى)
(الكاتب :يلا ياد ابن ال(عييييييييييييييييييييييييييييب)لحسن اجى اضربك)
(ابن خال الكاتب :خلاص يعم انت هتعمل فيها عم المهم بقى دلوقتى هات الخمسراشر الجنيه اللى عليكاللى خدتهم منى عشان المزه )
(الكاتب :مزه ايه الله يفضحك اسكت خش ياد جو انت هتفضحنا ولا ايه)
(ابن خال الكاتب :ماشى ياموودى مهى الدنيا زيى الخياره يوم فى ايدك ويوم فى السلطه )
(الكاتب :الله يخرب بيتك خش جو ياض اسمع اسبيس تون زمان توم وجيرى جه)
(اابن خال الكاتب : بجد جه طيب انا هدخل اسمعه )
(الكاتب :يلا ياد يلعن (عيييييييييييييييييب)ليك حساب معايا بس بعدين)
باك يشباب
المهم كنا بنقول ايه
اه
رحتله بعد يومين ومظبط العجله الاقى الراجل دا فى الاخر واحد كان جاى يعمل العجله بتاعته ومطلعش حاجه فى المرور
ودلوقتى انا قاعدحزين ووحيد ومضايق ياترى عارفين ليه

اتمنى يكون الموضوع عجبكو واستنى الردود