أمــثـــــــــــــــــــــــــــــــــال مـفـتــكــســـــــــــــــــــــــــة (متجدد)

تذكير بمساهمة فاتح الموضوع :

طبعاً إحنا مشهورين بالأمثال المفتكسة وعشان كده لازم يكون موضوعنا ده عن الأمثال المفتكسة وكل واحد يبدأ بعرض مجموعة منها
وأنا عن نفسي حبدأ يعني مثلاً :

رب صـــدفة ... خــير مــن ألـف لـيـلة و لـيـلة

أكــل العـيـــش ... يــحـــب الطــعــمــيـــه

فـــاقــــد الــشـــىء ... يـــدور عــلــيــه

تــأتــى الــريــاح ... مـحــمـلـه بـالأتـربـة

ان غـــاب الـقـط ... يـتــخــصـمـلـه نـص يـوم

وفي رواية أخرى : ان غاب القط ناديله ... عشان الفار ميلعبش بديله

لا يــأس مــع الحـيـاة ... و لا حـيـاة لــمـن تنـادي

مــالـقــوش فــى الـــورد عــيــب ...قــالــو لـلــحــرامــى احــلــف

شكراً حب ... للمتابعة و مباركة الموضوع ...
مستني ردك طرررررررررررررووووووووووق

ميرسي ليك طارق دايما ممتعنا

الله ينور يا شباب
بس هو ده اخركم
ده حتي انا لسه واصل فين واجب الترحيب اللي اتعودنا عليه
يالا بينا نشوف و نسمع الجديد و الاجدد


يا نحله لا تقرصيني ولا انا عايز منك بلح

ارمي حبيبك في بلاعه يرجعلك مستحمي و في بقه نعناعه

شيل ايدك من علي خدك و حطه علي خدك التاني

يا مسافر وحدك خد معاك حاجه تتاكل

يا باني في غير ملكك يا شاري بنطلون مش مقاسك

تيجي تصيده يقولك نشن كويس

كل اللي يعجبك و البس ثقيل علشان البرد

امشي جمب الحيط واقلي بطاطس في الزيت

اجري يا ابن ادم جمب الوحوش بس حاسب لتتعض

ايه الاخبار

لنا عوده

يا معلم ... يا معلم ... يا معلم
نورت موضوعي 003
ايوه كده خللي الصحبه تحلى ....
ومنتظر منك المزيد و المزيد

و طبعاً مننساش مجهودات ايبي
ونقوله فعلاً عداك العيب وممكن تاخد العيب اللي بعده بتاع 9.10 من سيدي جابر.... بس خللي بالك >>>

مش كل مرة... تسلم يا ايهاب يابني .

و انا مكمل برده ......


حط الحاء على القاف ... وأحكي ولا تخاف

الدنيا تلاهي واحد مشغول ... وواحد ساهي

الشباب عشق التنبله ... لا عايز شغله ولا مشغله

الجدود ناموا... والقرود قاموا

ماتركزش ... عشان ماتهيسش

من همه... اتجوز قد أمه

من خيبته ... اتجوز قد بنته

ناس فايقة.. وناس رايقة.. و ناس مدايقة

ناس لها بخت و ناس ما لهاش ... و ناس بتقضى حياتها بلاش

هين قرشك ... ولا تهين كرشك

يا أبو البنت ما تعوزها ... دي مسيرها لبيت جوزها

اللئيم ... ينقل كلام الحريم

الناس نوايا ... و النوايا تسند الزير



وفي الآخر اقولك وحشتني يا طرررررررررووووووووووووووق

انا شايف 003 وحب وonly loser منورينا

يارب ديما .وانت كمان روبن واحشنى اكتر

وكويس انك لحقته بشويه امثال ليفتكر ان احنا خلصنا

وانا هكمل :

قعده الخزانه ولا جوازة الندامه

زى القطط تاكل وتشبع

اللي يشيل قربه مخرومه..يلحمها

يا أعدين يكفيكوا شر الواقفين

أدوله الفروة طمع في الخروف

يا حافر البير وموسع مراقيه ما داهية لا تقع انت فيه

إن دبلت الوردة هات غيرها

ادينى اليوم صوف وخده بكرة خروف

أنا وأخويا على إبن عمي وأنا وإبن عمي على القهوه

ست وجاريتين على قلي بيضتين

كل ما يعجبك والبس ما يعجبك برده

بدل ما اقول للعبد يا سيدي اقضي حاجتي بايدي

برا وجوا فرشت لك وانت مايل وايه يعدلك

.......................مين حيكمل ........................

يا إيبي ... يا حبيبي ...

بجد أنا مش عارف أقول لك إيه على المساندة و الدعم و الروح المعنوية اللي بتبثها فينا

و لازم اشكر طررررروووووووووق حبيب قلبي على التميز و التفوق و الواجب اللي هو قايم بيه ده

لا ده مش قايم بالواجب بس ده قايم بالواجب و التسميع كمان .

بجد يا جماعة انتم اثبتوا للعالم ان الأمثال دي :

قصه كفاح ... مش جاية على المرتاح

و طبعاً لازم اقوم بواجبي تجاه الموضوع الحيوي ده و ازود شوية أمثال حتى تستمر مسيرة العطاء



ضمة قبر ... ولا زنقة آخر الشهر

كله قسمة ونصيب ... حتى ضرب الحبيب

لقمة هنية ... تتاكل بالملوخية

اللي يعوزك عوزه ... واللي مايعوزكش اضربه على بوزه

ابن الوز ... عايش في عز

ابن البط ... عايش في قحط

أدعي على ابنى ... و أكره اللى عليه تخين

العين بصيرة والايد قصيرة .... عمو ممكن تضرب لي الجرس

حبيبك يمضغ لك الزلط .... وبعد كده تقولك رايحة لدكتور السنان !!!

اكسر للبنت ضلع ... وروح جبسها في المستشفى

لا صيني ... و لا تغديني .


و أحب أطمنكم إن أنا معاكم و وراكم بساندكم و بشد من أزركم

و مستني البقية من اللمة الحلوة ديه

و آدينى حي ... لحد ماشوف اللي جاي

سيبهم ايه ؟؟؟؟؟
انت فاهم غلط يا هيمة باين عليك

و بعدين انا قولت قبل كده مفيش حد يتفرج بس

اللي عنده زياده يشارك ... و اللي معندوش يبارك

يعني مجيبتش سيرة الفرجة خالص
فاهمين ...

يبقى انت كدة شرفتني يا معلم
و شكراً ليك و لمرورك و متابعتك
و متنساش تتابع معانا
شكراً

شكرا ليكم علي المساهمه والله ينور يا جماعه بجد متميزين

شكراً حب ... على اهتمامك و متابعتك و بجد ياريت كل الأعضاء زيّك
ميرسي ليكي

ايه الرغى الكتير ده فين الامثال

يلا بره علشان حنرش سجاير ........

قول معايا يا روبن وسيبهم يباركم الامثال

.........................عدنا........................

ياراشش الميه على هدومى ملكش عندى جبنه ولا ديك رومى

العيون البصاصة تندق فيها رصاصة

يقتل القتيل ويسلم نفسه

العروسة للعريس وعملوا فرحهم في هيلتون رمسيس

اللي اختشوا هما اللي بيتكسفوا

يا واخد القرد علي ماله جيبلو موز كتير

يا مساء الخير والتجلى حسب التوقيت المحلى

أجيبلك هديه تاخدها ببساطه وفى عيد ميلادى تسوق العباطه

علقة تفوت واللى بعدها واللى بعدها الخ الخ

اربط الحمار مطرح ما يقولك هو عشان دى حرية شخصية

الجرى كل الجدعنه

تبات نار تصبح على خير


ولســـــــــــــــــــــــــــــــــــــه .

لا يالا متعبناش دى هدنه

ههههههههههههههههههههه ال هدنه ال

ههههههههههههههههههه لا ونبى كملو الا ازعل

هههههههههههههههههههههههههههههه

هههههههههههههههههههههه
الله ينور

مالهمش حل

اهه ده اللى يتقاله يلااااااااااااااا

هههههههههههههههههههههههههههههههههههههههه

حاضر يا حضره الباكباشى

الله يسعد صباحكم ويعطيكم العافيه يارب
وعلى رأي المثل
حلوتك ياعنبه وانتى قاعده على الكنبه ههههههههههه