65 سر من أسرار الشباب

من طرف **only loser** الثلاثاء 03 نوفمبر 2009, 1:36 am

هنا بس 65 نصيحه مهم انك تعرفيها عن ادم

نبدأ

1 - الشاب بيبص على البنت الجميله " طبعا لان الله جميل يحب الجمال " بس مش شرط يحب واحده قمر 14 المهم تكون جذابة وروحها حلوة

2 - الشاب مابيحبش البنت اللى تعاكسه او تترمى عليه او تتغزل فيه فيه وفى جماله " لان المفروض ان ده دوره هو "

3 - ممكن اوى ان الشاب يعجب بيكى للحظات وبعد كده ينساكى ولا كأنه شافك قبل كده

4 - لما الشاب يقولك " انا مش قادر افهمك " يبقى عاوز يقولك ببساطه انك مش بتفكرى زيه او بطريقته

5 - " بتعملى ايه " " كلتى ولا لسه " ؟ دى اول اسئله بيسألهالك الشاب فى التليفون بدل مايفضل يتأتأ او يقعد ساكت

6 - الشاب مهما كانت عينه زايغه ومش بيسيب بنت فى حالها الا انه لما بييجى ينام مش بيفكر غير فى حبيبته وبيحب يكون صوتها اخر حاجه سمعتها ودانه قبل ماينام

7 - لما الشاب بيحبك بيتجاهل عيوبك " يعنى مش بيفضل يطلع فيكى القطط الفاطسه ويحسسك انك ازبل خلق الله "

8 - ابتسامة فرح جميله منك عنده بتبقا بالدنيا ومافيها

9 - الشاب لو معجب يبكى ممكن يعمل اى حاجه تتصوريها او ماتتصوريهاش عشان يلفت انتباهك

10 - الشاب بيتضايق جدا لما تتكلمى عن الولاد ادامه وخصوصا عن حبيبك الاولانى او تجاربك السابقه

11 - لما يروح يقابل اهلك لازم تقفى جنبه وتسانديه " عشان تحسى بحلاوة النصر هههههههه "

12 - الشاب دايما بيحب يتكلم عن نفسه وعن مغامراته اللى استحاله تصدقيها ... او عن شجاعته فى خناقه فى فيلك اكشن " نصيحتى اعملى نفسك مصدقه هو كده هيتبسط اوى ويبقا مية فا واربعتاشر "

13 - على فكرة هو ممكن يعيط بردو مهما بان قوى وجامد " مش بنى ادم يعنى ولا ايه "

14 - لما تبقى فى بداية العلاقه بلاش تتلككى عشان تتخانقو يعنى ماتستعجليش على الخناق ..... " صدقينى هتتخانقو هتتخانقو "

15 - لاحظى ان الشاب مابيعرفش يحلم ويتأمل زيك كتير .... كل اللى بيتمناه نفسه يحققه فى لحظه

16 - الشاب ممكن يموت نفسه عشان يوصل للبنت اللى نفضتله ... عشان كده صعب عليه جدا يتقبل الهزيمه او الخسارة لان دايما المفروض ان هو اللى بيكسب

17 - لما تدخلى قلب الشاب بيبقا صعب انك تخرجى منه تانى " دخول الحمام مش زى خروجه يا عنيا "

18 - اوعى تديله كلمه متعلقه زى " عارف .... ط " عاوزة اقولك حاجه ..... " وتسيبيه كده عشان دماغه هتنط لحاجات واستنتاجات بعيده جدا عن اللى فى دماغك

19 - الشاب بيتجنن لما يشوفك مبسوطه بسببك

20 - مهما كان الشاب كلمنجى ومابيعملش حاجه اكتر من الكلام ومدوخ كل البنات حطيه ادام واحده بيحبها هتلاقيه بيتأتأ ومش عارف ينطق وكأن القطة كلت لسانه

21 - لما الشاب يقولك " امممممممم او يطلعلك بأى عذر لما تطلبى منه حاجه " اعرفى انه مش مستعد يديكى الكريديت كار او حتى يدفع فيكى قرش واحد

22 - قوليله من الاول انتى عاوزة منه ايه بالظبط قبل ماترجعى تقولى ياريت اللى جرى ماكان

23 - لما تقولى للشلب " لأااااه " هو بيسمعها حاول تانى بكرة .... " معلش اطرش "

24 - الشاب بيكره الولد الفافى

25 - الشاب بيموت فى امه " يعنى كله الا هى ... "

26 - الشاب ممكن يضحى بفلوس الغدا عشان يشتريلك بوكيه ورد احمر " يعنى ممكن يجوع عشان سواد عيون حضرتك "

27 - ماتستبعديش ان الشاب يفكر فى بنت معجبه بيه بس ده مش معناه انه ميت فى هواها

28 - مستحل تفهميه الا لو سمعتيه كويس " فسيبيه يتكلم وبلاش تنزلى رغى ولوك لوك لوك اديله فرصه ينطق "

29 - الشاب لو قالك انه بيحبك كرة واحده فى القرن اعرفى انه فعلا بيحبك " بس يعنى مافيش مانع من شوية كلام حلو عشان يحسسك بأنوثتك "

30- حاسبى ... الشاب احسن واحد ينشر اشاعات يعنى ممكن مصر كلها تعرف اللى هو عاوز قوله فى دقيقه واحده

31 -انتى نقطة ضعفه " استغلى المعلومه دى كويس هههههههه "

32 - صح انك تجربيه قبل ما تصدقى كلامه بس ماتنسيهوش برة دايرة الثقه كتير

33 - لما تكونو فى موقف رومانسى واتكلم معاكى عن نفسه اعرفى انه غالبا مش بيكدب

34 - كل الشباب بيعرفو يعاكسو ويقولو كلام حلو " دكتوراه منذ الولاده كانو بيرضعوه فى الببرونه " بس بتختلف من واحد مزاول للمهنه وواحد بيتكسف من خياله

35 - الشاب الشيك النضيف يموت لو حاجه وقعت على هدومه او هدومه اتوسخت حتى ولو كانت اد السمسمايه ولو حلفتيله 100 يمين انها مش باينه مش هيصدق " خديها من قصيرها وقوليله يروح يغير "

36 - الشاب بيحب البنت المحترمه حتى ولو ماكانتش امورة للدرجه

37 - انتيمتك هى الحد الوحيد اللى ممكن هو يلجألها لو حب يعملك مفاجأه او فيه بينكو مشكله ومحتاج وسيط بينكو ومش بعيد هما الاتنين يحبو بعض " وكده كل سنه وانتى طيبه والف مبروك واشوفك بكرة "

38 - لو شكالك همه او مشاكله فهو مش بيبقا محتاج منك غير انك بس تسمعيه يعنى بلاش تعملى فيها ام العريف وتنصيحه فى ساعتها " لكن ممكن بعدين "

39 - لو كان بيحبك بجد هيفضل يغيظك ويضايقك ويعلق على كل كلمه تطلعيها " حركة لا اراديه ياجماعه "

40 - لو كنتى مرتبطه والشاب معجب بيكى هيلاقى 1000000000 طريقه يبعدك بيها عن اللى بتحبيه " فخلى بالك "

41 - الشاب بيحب البنت اللى عندها البتاع ده اللى اسمه العقل

42 - الشاب بيحاول على اد مايقدر يجيبلك هديه تعجبك ... صحيح بتمثلى انها عجباكى بس بينى وبينك نادرا لما بتعجبك صح ؟؟؟

43 - دايما الشاب بيحب يتباهى بكل حاجه تخصه " ده اساسى "

44 - اوعى تآمنيه على سر عشان الشاب مابيتبلش فى بؤه فوله " دى طبيعه غصب عنه يعنى "

45 - الشاب مش بيبطل تفكير دايما دماغه بتودى وتجيب

46 - خياله واسع اوى .... " يرمح فيه الخيل "

47 - صدقينى طولك مش مهم بالنسباله اد وزانك " حاسبى بقا "

48 - الشاب لما بيدخل علاقه جديه بيكون متحكم شويه " معلش لو بتحيه استحملى شويه دى طبيعة آدم "

49 - كل ماتنفضى لواحد معجب بيكى كل ما هيلزأ اكتر

50 - غالبا بيبقا صعب عليه جدا يسيبك خصوصا لو بقالكو فترة كبيرة مع بعض " واعرفى انه لو عمل كده يبقا بيدوس على قلبه "

51 - لازم لازم الصراحه من الاول يعنى لازم تتفقو انتو عاوزين ايه من علاقتكو

52 - تحذييييييييييير الشاب لازم يجرب الاحساس بالرفض شويه خصوصا بقا لو كان من الشويه الامامير اللى مافيش بنت تقدر تقاوم جمال عيونهم عشان يكبر ويعقل ويبطل لعب العيال

53 - لما تحصل اى حاجه وحشه هتلاقيه بيلوم نفسه زياده عن اللزوم اكتر منك انتى شخصيه " لازم تقفى معاه " ده اكتر وقت بيحتاجك فيه

54 - الشاب عموما بيبقا نفسه يطلع لادام بس ارادته ضغيفه شويه " محتج بس زقه منك "

55 - على اد ما ممكن يكون مع الناس اسد ومرعب بس ييجى ادام ويبقا عامل زى القطة المطروده ... مش خوف منك لكن حب فيكى " واوعى تفهمى غلط "

56 - لو الشاب فى موقف المفروض يكون متنرفز ومتعصب وهو عاملك فيها الواد الكول بسرعه شوفى اذا كان عرقان هتعرفى اد ايه هو متنرفز

57 - لما الشاب يقولك انه مجنون بيكى يبقا هو فعلا بيحبك لدرجة الجنون ... غالبا مش بيكدب

58 - لما يقولك سيبينى فى حالى " يعنى هو بيقولك بيلز تعالى اسمعينى " يعنى زنى عليه عشان يحس انه مهم عندك وان اللى يدايقه ويدايقك .... بس مش الزن اللى يخنق

59 - الشاب غالبا ماعندوش قرار نهائى " خلى بالك من النقطه دى "

60 - لما الشاب بيحب بجد بيطلع كل الحلو اللى عند " اكسكلوسف عشانك لوحدك " شوفتى بقا حبك بيعمل فيه حاجات حلوة ازى

62 - لو شيفاه قاعد ساكت ماتقلديهوش وتقعديلى مبلمه اتى كمان حاولى تدوبى التلج بكلمتين

63 - الشاب مش بيآمن بالحب من اول نظرة زى البنت وبالرغم من كده بيفضل يعاكس لغاية لما يقع وماحدش يسمى عليه ساعتها هيصدق ويبصم بالعشرة

64 - الشاب بيحب فى البنت انوثتها بس بيكره ضعفها " يعنى انوثه مع قوة شخصيه " .... حليها انتى بقا

65 - الشاب ممكن يضيع وقته فى فيلم اكشن او ماتش كورة ... " فى الوقت اللى انتى مشغوله فيه بأفكارك الرومانسيه اللى بتشوفيها فى افلام الابيض واسود " ماتدايقيش بالعكس خديها ببساطه ولو مافيهاش رخامه شجعى والعبى معاه

من طرف **احمد المز** الأحد 27 ديسمبر 2009, 10:50 pm

والله ما قريت غير حجات قليلة اوى

من طرف **only loser** الإثنين 28 ديسمبر 2009, 4:06 am

طيب وأنت زعلان ليه

وبعدين يا سيدى اعتبر نفسك ماقريتش خالص

عادى

من طرف **حب عمرى** الإثنين 28 ديسمبر 2009, 4:42 pm

هههههههههههههههههههههههههه
واللهي علي رايك مش عارفه هو زعلان كده ليه

من طرف **@ هيمه @** الإثنين 28 ديسمبر 2009, 4:45 pm

ههههههههههههههههههههههههه تسلم يا بوب

من طرف **only loser** الإثنين 28 ديسمبر 2009, 6:36 pm

ربنا ما يحرمنى منك هيمه

شرفت موضوعى يا جميل

من طرف **Red Dragon** الثلاثاء 29 ديسمبر 2009, 12:50 am

موضوع مهم الله ينور

من طرف **RobinHood** الثلاثاء 29 ديسمبر 2009, 1:29 pm

8 - ابتسامة فرح جميله...
شكلك تعرف فرح دي من زمان ...

11 - لما يروح يقابل اهلك لازم تقفى جنبه وتسانديه " عشان تحسى بحلاوة النصر هههههههه "
عارفه المحل ده في الشارع اللي ورانا

12 - الشاب دايما بيحب يتكلم عن نفسه وعن مغامراته اللى استحاله تصدقيها ... او عن شجاعته فى خناقه فى فيلك اكشن " نصيحتى اعملى نفسك مصدقه هو كده هيتبسط اوى ويبقا مية فا واربعتاشر "بس المهم انت متوسعهاش منك اوي كده افشُر بس في المعقول برده !!!

18 - اوعى تديله كلمه متعلقه زى " عارف .... ط " عاوزة اقولك حاجه ..... " وتسيبيه كده عشان دماغه هتنط لحاجات واستنتاجات بعيده جدا عن اللى فى دماغك
فعلاً ... وساعتها مش حتلاقي مواصلات في الساعة دي

23 - لما تقولى للشلب " لأااااه " هو بيسمعها حاول تانى بكرة .... " معلش اطرش "
على فكرة هو بيسمعها اتحايل عليه شويه ...

24 - الشاب بيكره الولد الفافى
ماهو اللي يمشي ورا العيال السيس ... ميخلاش من ال...كراريس

33 - لما تكونو فى موقف رومانسى واتكلم معاكى عن نفسه اعرفى انه غالبا مش بيكدب
حلوه غالباً دي ...شد تحتها خمسين خط

41 - الشاب بيحب البنت اللى عندها البتاع ده اللى اسمه العقل
عقل ...!!! انت جبت الكلمة دي منين ؟؟؟!!!

55 - على اد ما ممكن يكون مع الناس اسد ومرعب بس ييجى ادام ويبقا عامل زى القطة المطروده ... مش خوف منك لكن حب فيكى " واوعى تفهمى غلط "كلامك درر يا حاج

57 - لما الشاب يقولك انه مجنون بيكى يبقا هو فعلا بيحبك لدرجة الجنون ... غالبا مش بيكدب
غـــــــــــــــالباً تاني ... مش حرد أنا المرة دي...!!!

59- الشاب غالبا ماعندوش قرار نهائى " خلى بالك من النقطه دى "
ده في الكلام بس ... لكن في التنفيذ هو عارف قراره في كل الموضوع من الأول

65 - الشاب ممكن يضيع وقته فى فيلم اكشن او ماتش كورة ... " فى الوقت اللى انتى مشغوله فيه بأفكارك الرومانسيه اللى بتشوفيها فى افلام الابيض واسود " ماتدايقيش بالعكس خديها ببساطه ولو مافيهاش رخامه شجعى والعبى معاه
شكلك بتتفرج على اعلان كوكاكولا زيرو كتيييييييييييييير

مش عارف أقولك ايه يا ايبي .... ؟؟؟ !!!
الله ينور يا معلم ... احييك على مجهودك

من طرف **only loser** الثلاثاء 29 ديسمبر 2009, 5:12 pm

هههههههههههههههههههههههههههههههههههه

شكرا روبن

شرفتنى وضحكتنى

من طرف **003** الأحد 31 يناير 2010, 11:32 pm

الله عليك يا هوبا

و دايما مطعمه يا روبن

65 سر من أسرار الشباب

65 سر من أسرار الشباب

رد: 65 سر من أسرار الشباب

رد: 65 سر من أسرار الشباب

رد: 65 سر من أسرار الشباب

رد: 65 سر من أسرار الشباب

رد: 65 سر من أسرار الشباب

رد: 65 سر من أسرار الشباب

رد: 65 سر من أسرار الشباب

رد: 65 سر من أسرار الشباب

رد: 65 سر من أسرار الشباب